कामना सेवा विकास बैंकको संस्थापक सेयर बिक्रीमा

काठमाडौं । कामना सेवा विकास बैंकले संस्थापक सेयर बिक्रीमा ल्याएको छ ।

कम्पनीको संस्थापक सेयरधनीहरुले आफ्नो नाममा रहेको ९७ हजार ९३९ कित्ता संस्थापक सेयर बिक्रि गर्ने निवेदन दिएकाले बैंकले संस्थापक सेयर बिक्रीमा ल्याएको हो ।

यसमा बैंककै विद्यमान संस्थापक सेयरधनीले आवेदन दिन सक्नेछन् । सेयर खरिद गर्न इच्छुक विद्यमान संस्थापकले सुचना प्रकाशित भएको मितिबाट ३५ दिनभित्र काठमाडौंको ज्ञानेश्बरस्थित बैंकको केन्द्रिय कार्यालयमा आफूले खरिद गर्ने चाहेको सेयर कित्ता संख्या तथा प्रतिकित्ता सेयरको मूल्य खुलाई निवेदन पेस गर्नुपर्नेछ ।

तोकिएको समयमा संस्थापक सेयरधनीबाट सेयर खरीद गर्न निवेदन नआएमा प्रचलित कानुनबमोजिम अन्य लगानीकर्तालाई सेयर बिक्री गर्ने बैंकले जनाएको छ ।