काठमाडौं । नबिल बैंकले चालु आर्थिक बर्ष २०८०/०८१ को दोस्रो त्रैमाससम्म खुद मुनाफातर्फ ३ अर्ब २० करोड ३० लाख रुपैयाँ आर्जन गर्न सफल भएको छ ।
गत आर्थिक वर्षको यस अवधिमा ३ अर्ब ४१ करोड ७६ लाख रुपैयाँ नाफा आर्जन गरेको थियो ।
चालु आर्थिक वर्ष २०८०/०८१ को दोसो्र त्रैमाससम्म बैंकको नाफा गत आवको यस अवधिको तुलनामा ६.१८ प्रतिशतले घटेको हो ।
बैंकले यस अवधिमा कुल कर्जा रकम ३ खर्ब ६२ अर्ब र कुल निक्षेप संकलन ४ खर्ब २८ अर्ब पुर्याउन सफल भएको छ ।
त्यस्तै यस अवधिमा बैंकको खुद ब्याज आम्दानी ५.२४ प्रतिशतले बढेर ८ अर्ब २४ करोड रुपैयाँ रहेको छ । गत आवमा बैंकको खुद ब्याज आम्दानी ७ अर्ब ८३ करोड रुपैयाँ रहेको थियो ।
बैंकको यस अवधिमा सञ्चालन मुनाफा ४ अर्ब ५६ करोड रुपैयाँ र वितरणयोग्य मुनाफा १ अर्ब ८ करोड रुपैयाँ रहेको छ । साथै यस अबधिमा बैंकको संचालन आम्दानी १० अर्ब ६ करोड रहेको छ ।
त्यस्तै, यस अवधिमा बैंकको एनपीएल भने घटेको छ गत आवको यस अवधिमा बैंकको खराब कर्जा १.४६ रहेकोमा चलु आवको यस यस अवधिमा एनपीएल घटेर १.२० प्रतिशतमा झरेको छ ।
चुक्तापुँजी २७ अर्ब ५ करोड रुपैयाँ रहेको बैंककोे प्रतिसेयर आम्दानी २३.७४ रुपैयाँ, आम्दानी मूल्य अनुपात २०.८३ गुणा र प्रति सेयर नेटवर्थ २०४.४४ रुपैयाँ रहेको छ ।
