प्रदेश १ मा यो बर्ष मलको अभाव नहुने दाबी

विराटनगर । प्रदेश १ मा वर्षे बालीका लागि मलको कुनै अभाव नरहने कृषि सामागी्र कम्पनी प्रदेश १ कार्यालय विराटगरले जनाएको छ । कार्यालय प्रमुख नवरत्न गौतमका अनुसार हाल विराटनगरमा रहेको गोदाममा ७ हजार र सुनसरीको सोनापुरमा रहेको गोदाममा ५ हजार मेट्रिकटन मल भरिभराउ रहेको र धमाधम बिक्रि पनि भइरहेको छ ।

प्रमुख गौतमका अनुसार हाल कृषि सामागी्र प्रदेश १मा कार्यालयसँग करिब ७ हजार मेट्रिकटन डिएपी र ५ हजार मेट्रिकटन युरिया मल गोदाममा मौज्याद छ । बंगलादेशबाट ५ हजार मेट्रिकटन अन्य देशबाट २ हजार ५ सय मेट्रिकटन थप आउने क्रममा छ । यस बाहेक साल्ट टे्रडिङ कर्पोरेसले पनि मल आयात गरेर बिक्रि गदै आएको छ । प्रमुख गौतमले भने, मल आउने र बिक्रि हुने क्रम जारी रहेको छ, यो वर्षको बर्षे सिजनको धान,मकै मात्र नभएर हिउँदे धानका लागि पनि मलको कुनै अभाव हुँदैन ।