आरएसडिसी लघुवित्तको लाभांशको घोषणा,बोनश र नगद कति ?

काठमाडौं । आरएसडिसी लघुवित्त वित्तीय संस्थाले गत आर्थिक बर्षको मुनाफाबाट आफ्ना शेयरधनीलाई ९.०५२६ प्रतिशत लाभांश दिने भएको छ ।

कम्पनीको असोज १९ गते बसेको सञ्चालक समितिको १४८ औं बैठकले आर्थिक वर्ष २०७९—८० को लागि संस्थाको हाल कायम चुक्ता पूँजी ८६ करोड ९५ लाख ६८ हजार २०० रुपैयाँ बराबरको ९.०५२६ प्रतिशतका दरले हुन आउने ७ करोड ८७ लाख १८ हजार ८०५.४९ रुपैयाँ बराबरको लाभाशको प्रस्ताव गरेको छ ।

प्रस्तावित कुल लाभांश मघ्ये ८.६० प्रतिशतका दरले हुन आउने ७ करोड ४७ लाख ८२ हजार ८६५.२२ रुपैयाँ बराबरको बोनश शेयर र ०.४५२६ प्रतिशतका दरले हुन आउने ३९ लाख ३५ हजार ९४०.२७ रुपैयाँ बराबरको नगद लाभांश ( कर प्रयोजनको लागि ) वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंकबाट स्वीकृत भई लघुवित्त कम्पनीको आगामी साधारणसभाले पारित गरेपछी शेयरधनीले पाउनेछन् ।