२०८१ असार ४, मंगलबार
Health Aawaj logo
गृहपृष्ठसमाचार१० अर्बको आन्तरिक ऋण उठाउँदै केन्द्रीय बैंक

१० अर्बको आन्तरिक ऋण उठाउँदै केन्द्रीय बैंक


काठमाडौं । नेपाल राष्ट्र बैंकले आज १० अर्बको विकास ऋणपत्र बोलकबोल गर्ने भएको छ । सरकारको लक्ष्यअनुसार संसदबाट स्वीकृत भएको चालु बजेटले दिएको दुई अर्ब २५ अर्ब आन्तरिक ऋण उठाउन नेपाल राष्ट्र बैंकले आन्तरिक ऋण उठाउने कार्यतालिका सार्वजनिक गरेको थियो ।

कार्यतालिकाअनुसार केन्द्रीय बैंकले असोज २० गत मंगलबार १० अर्बको विकास ऋणपत्र बोलकबोल गर्न लागेको हो । यसअघि पनि राष्ट्र बैंकले असोज ११ गते २० अर्बको ऋणपत्र बोलकबोल गरेको थियो ।

बैंक तथा वित्तीय संस्थाले वित्तीय प्रणालीमा अधिक तरलताले गर्दा समस्या भएको र निक्षेपको ब्याजदर घटाउन गरेको आग्रहपछि केन्द्रीय बैंक र सरकारले तरलता प्रशोचनको उपायका रुपमा पहिलो चौमास (साउनदेखि कात्तिक) मै ५७ अर्ब आन्तरिक ऋण उठाउन तालिका सार्वजनिक गरेका थिए ।

विकास ऋणपत्र २०८४ ‘घ’ नाम दिइएको उक्त निष्कासन सात वर्ष अवधिको रहेको केन्द्रीय बैंकले जनाएको छ । ऋणपत्रको ब्याज अर्धवार्षिक रुपमा भुक्तानी हुने ब्याजकर लाग्नेछ । ऋणपत्रको ब्याजदर बोलकबोलका आधार कम ब्याज कबोल गर्नेलाई वितरण गर्दै जाने केन्द्रीय बैंकले जनाएको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ