काठमाडौं । आर्थिक बर्ष २०७९/०८० को चौथौ त्रैमाससम्मा मेरो माइक्रोफाइनान्स लघुवित्त वित्तीय संस्थाको खुद नाफामा ८०.५७ प्रतिशतले घटेको छ ।
लघुवित्त कम्पनीले प्रकाशित गरेको वित्तीय विवरण अनुसार आर्थिक बर्ष २०७८/०७९ मा ३७ करोड ३ लाख रुपैयाँ खुद नाफा गरेकोमा यस अवधिमा यस्तो नाफा घटेर ७ करोड १९ लाख रुपैयाँमा सिमित हुन पुग्यो ।
यस अवधिमा संस्थाको खुद ब्याज आम्दानी र संचालन मुनाफामा गिरावट आएको छ ।
अघिल्लो आवमा १ अर्ब ९ करोड खुद ब्याज आम्दानी गरेको संस्थाले यस अवधिमा यस्तो आम्दानी घटेर ७६ करोड १९ लाख रुपैयाँमा सिमित हुन गयो ।
त्यस्तै,संचालन मुनाफा ९ करोड ३४ लाख रुपैयाँ रहेको छ । अघिल्लो आवमा यस्तो मुनाफा ५४ करोड १६ लाख रुपैयाँ रहेको थियो । यस्तो मुनाफा ८२.७५ प्रतिशतले घटेको हो ।
यस अवधिमा संस्थाले ८ अर्ब ६० करोड रुपैयाँ सापटी लिई १३ अर्ब ९३ करोड रुपैयाँ कर्जा लगानी गरेको छ । अघिल्लो आवमा संस्थाले १० अर्ब ३९ करोड रुपैयाँ सापटी लिई १६ अर्ब ३५ करोड रुपैयाँ कर्जा लगानी गरेको थियो ।
संस्थाले आर्थिक बर्ष २०७९/०८० को चौथो त्रैमाससम्ममा ३ अर्ब ४२ करोड रुपैयाँ निक्षेप संकलन गर्ने सफल भएको छ । संस्थाको वितरणयोग्य मुनाफा भने २ करोड ४४ लाख रुपैयाँ रहेको छ ।
अघिल्लो बर्षको तुलनमा यस समिक्षा अवधिमा संस्थाको खराब कर्जा भने बढेको छ । आर्थिक बर्ष २०७८/०७९ मा २.९४ प्रतिशत खराब कर्जा रहेकोमा यस समिक्षा अबधिमा बढेर ५.८४ प्रतिशत पुगेको छ ।
खराब कर्जा बढ्दा संस्थाले १० करोड ९७ लाख रुपैयाँ कर्जा तथा अन्य नोक्सानीको जोखिम व्यवस्था गरेको छ । अघिल्लो वर्ष ४६ करोड ४९ लाख रुपैयाँ रहेको रिजर्भको आकार बढेर ५० करोड ७७ लाख रुपैयाँ पुगेको छ।
चुक्तापुँजी १ अर्ब ३२ करोड रुपैयाँ रहेको संस्थाको प्रतिसेयर आम्दानी (ईपीएस) ५.४५ रुपैयाँ,प्रतिसेयर नेटवर्थ १४२.१८ रुपैयाँ रहेको छ भने मूल्य आम्दानी अनुपात १२१.३० गुणा रहेको छ ।
