नबिलले ३ अर्ब रुपैयाँको ऋणपत्र निष्कासन गर्ने

काठमाडौं । नबिल बैंकले ३ अर्ब रुपैयाँ बराबरको ऋणपत्र ’नबिल डिबेन्चर, २०८७’ निष्कासन गर्ने भएको छ ।

नबिलले ऋणपत्र निष्कासनका लागि बिक्री प्रबन्धकमा कुमारी क्यापिटल लिमिटेडलाई नियुक्ति गरेको छ ।

बैंकले डिबेन्चर निष्कासनका लागि बैंक सञ्चालक समितिबाट निणर्य भइसकेको र नेपाल राष्ट्र बैंकबाट स्वीकृति पाइसकेको छ ।

मंगलबार बैंकको केन्द्रीय कार्यालयमा नबिल र कुमारी क्यापिटलबीच ऋणपत्र निष्कासनका लागि समझदारी पत्रमा हस्ताक्षर भएको हो ।  उक्त समझदरी पत्रमा बैंककातर्फबाट प्रमुख कार्यकारी अधिकृत ज्ञानेन्द्रप्रसाद ढुंगाना र कुमारी क्यापिटलका तर्फबाट कामु प्रमुख कार्यकारी अधिकृत पुष्प शर्माले हस्ताक्षर गरेका छन् ।

नबिल बैंकले हाल २५५ शाखा कार्यालयहरू र १८ विस्तारित शाखा कार्यालयमार्फत सेवा दिँदै आएको छ ।