एक महिनामै वाणिज्य बैंकहरुको नाफा ७ अर्बले बढ्यो

काठमाडौं । एक महिनामै वाणिज्य बैंकहरुको नाफा ७ अर्ब ८० करोडले बढेको छ । माघ महिनामा वाणिज्य बैंकहरुको नाफा ४१ अर्ब २ करोड रहेको थियो ।

नेपाल राष्ट बैंक सार्वजनिक गरेको तथ्याङ अनुसार चालु आर्थिक बर्ष २०७९/०८० को पछिल्लो ८ महिनामा वाणिज्य बैंकहरुको नाफा ४८ अर्ब ८३ करोड पुगेको छ ।

राष्ट्र बैंकले उक्त तथ्यांक अनुसार यस अबधिमा २१ वटा वाण्जिय बैंकहरुमघ्ये सबैभन्दा बढी खुद नाफा गर्नेमा नबिल बैंक रहेको छ ।

नबिल बैंकले चालु आवको यस अबधिमा ५ अर्ब ३२ करोड खुद नाफा आर्जन गरेको छ ।

त्यस्तै यस अबधिमा ग्लोबल आइएमई बैंकले  ४ अर्ब ३७ करोड रुपैयाँ, एनआईसी एसिया बैंक ४ अर्ब ५ करोड रुपैयाँ , नेपाल इन्भेष्टमेन्ट मेगा बैंक ३ अर्ब ४९ करोड रुपैयाँ र राष्ट्रिय वाणिज्य बैंकले ३ अर्ब ३५ करोड रुपैयाँ खुद नाफा आर्जन गरेको छ ।