आशा लघुवित्तको मंगलबारदेखि संस्थापक सेयर बिक्रिमा

काठमाडौं- आशा लघुवित्त वित्तीय संस्थाले भोलि माघ १० गतेदेखि १ लाख ७० हजार ३७५ कित्ता संस्थापक सेयर बिक्रीमा ल्याउने भएको छ ।

कम्पनीले प्रतिकित्ता सेयरको न्यूनतम भाउ ३८० रुपैयाँ तोकेको छ । प्रतिकित्ता ३८० रुपैयाँलाई आधार मानेर सो भन्दा बढी मूल्य कबोल गरी आवेदन पेश गर्न सकिनेछ ।

यसमा इच्छुक योग्य व्यक्तिले माघ २४ गतेसम्म आवेदन दिन सक्नेछन् । न्यूनतम ५० हजार कित्तादेखि अधिकतम सबै कित्ताका लागि आवेदन दिन सकिनेछ । लगानीकर्ताले प्रभु क्यापिटल लिमिटेड, कमलादी, काठमाडौंमा पुग्नेगरी गोप्य शिलबन्दी आवेदन बुझाउनुपर्नेछ ।