कालिका लघुवित्तले गर्यो लाभांशको घोषणा

काठमाडौं । कालिका लघुवित्त वित्तीय संस्थाले गत आर्थकि बर्षको मुनाफाबाट आफ्ना शेयरधनीलाई २० प्रतिशत लाभांश दिने भएको छ ।

कम्पनीको माघ ०६ गते बसेको सञ्चालक समितिको २२१ औं बैठकले आर्थिक वर्ष २०७८—७९ को मुनाफाबाट आफ्ना शेयरधनीलाई संस्थाको हाल कायम चुक्ता पूँजी ३१ करोड २८ लाख ७५ हजार ४११.३५ रुपैयाँ बराबरको २० प्रतिशत लाभाशको प्रस्ताव गरेको छ ।

प्रस्तावित कुल लाभांश मघ्ये १९ प्रतिशतका दरले हुन आउने ५ करोड ९४ लाख ४६ हजार ३२८.१६ रुपैयाँ बराबरको बोनश शेयर र १ प्रतिशतका दरले हुन आउने ३१ लाख २८ हजार ७५४.११ रुपैयाँ बराबरको नगद लाभांश (बोनस सेयरको कर प्रयोजनार्थ ) वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंकबाट स्वीकृत भई लघुवित्त कम्पनीको आगामी साधारणसभाले पारित गरेपछी शेयरधनीले पाउनेछन् ।