पूर्ण सिट क्षमता अनुसार नै आन्तरिक उडान अनुमति

काठमाडौं । संस्कृति, पर्यटन तथा नागरिक उडड्यन मन्त्रीस्तरीय बैठकले पूर्ण सिट क्षमता अनुसार आन्तरिक हवाई सेवा सञ्चालन गर्न अनुमति दिएको छ ।

सरकारले गत सोमबार मन्त्रीपरिषदको निणर्य अनुसार ५० प्रतिशत सिट क्षमतामा मात्रै जहाज उडाउन पाउने निणर्य गरेपछि वायु सेवा सञ्चालक संघले यो निणर्य प्रति असहमत जनाउदै जहाज नै उडाएका थिएनन् ।

त्यसपछि पर्यटन तथा नागरिक उडड्न मन्त्रालयले कुल उडानको २५ प्रतिशत मात्रै जहाज उडाउन पाइने तर पूर्ण  सिट क्षमतामा उडान गर्ने प्रस्ताव मन्त्रिपरिषदमा लगेको थियो । यो प्रस्तावलाई मन्त्रिपरिषद्को  बैठकले अनुमति दिएको थियो ।

अब वायु सेवा कम्पनीहरुले कुल उडान संख्याको २५ प्रतिशत मात्रै आन्तरिक उडान गर्ने छन  तर जहाजले पूर्ण क्षमतामा यात्रु बोक्न पाउने छन् । यो निणर्य सगैँ सोमबार देखि आन्तरिक उडान हुनेछ ।