मिथिला लघुवित्तले गर्यो लाभांशको घोषणा

काठमाडाैं । मिथिला लघुवित्त वित्तीय संस्थाले गत आर्थिक बर्षको मुनाफाबाट आफ्ना शेयरधनीलाई १५.७८ प्रतिशत लाभांश दिने भएको छ ।

कम्पनीको पुस २८ गते बसेको सञ्चालक समितिको २३१ औं बैठकले आर्थिक वर्ष २०७८/७९ को मुनाफाबाट आफ्ना शेयरधनीलाई संस्थाको हाल कायम चुक्ता पूँजी १७ करोड ४ लाख ३७ हजार १७८.७५ रुपैयाँ बराबरको  १५.७८ प्रतिशत लाभाशको प्रस्ताव गरेको छ ।

प्रस्तावित कुल लाभांश मघ्ये १५ प्रतिशतका दरले हुन आउने २ करोड ५५ लाख ६५ हजार ५७६.८१ रुपैयाँ बराबरको बोनश शेयर र ०.७८ प्रतिशतका दरले हुन आउने १३ लाख ४५ हजार ५५६.६७ रुपैयाँ बराबरको नगद लाभांश ( कर प्रयोजनको लागि ) वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंकबाट स्वीकृत भई लघुवित्त कम्पनीको आगामी साधारणसभाले पारित गरेपछी शेयरधनीले पाउनेछन् ।