आइएसएमटी कलेजको दीक्षान्त समारोह सम्पन्न

काठमाडौं– आइएसएमटी कलेजको दीक्षान्त समारोह सम्पन्न भएको छ । कलेजले असार एक समारोहका बीच दीक्षान्त समारोह सम्पन्न गरेको हो । बेलायतको सन्डरल्याण्ड विश्वविद्यालयका उच्च प्रतिनिधिको प्रमुख आतिथ्यमा समारोह सम्पन्न भएको हो । यस वर्ष कलेजबाट ३९० जना विद्यार्थी दीक्षित भएका छन् । उक्त समारोहमा उत्कृष्ट नतिजा हासिल गर्ने विद्यार्थीहरुलाई विश्वविद्यालयले विशेष अवार्ड समेत प्रदान गरेको थियो । कलेजले नेपाली विद्यार्थीलाई नेपालमै बसेर कम लागतमा बेलायत स्थित युनिर्भसिटी अफ सन्डरल्याण्डको ग्लोबल डिग्री उपलव्ध गराउँदै आइरहेको छ ।