बढ्यो डलर सटही सुविधा

काठमाडौं । नेपाल राष्ट्र बैंकले विदेश भ्रमणमा जाने नेपाली नागरिकले पाउने  डलर सहटी सुविधा बढाएको छ ।

राष्ट्र बैंकको विदेशी विनिमय व्यवस्थापन विभागले एकीकृत परिपत्र-२०७९ मा संशोधन गदै भारतबाहेक अन्य मुलुकको भ्रमणमा जाने नेपाली नागरिकलाई राहदानी सुविधावापत प्रतिपटक अधिकतम अमेरिकी डलर २ हजार ५०० वा सो बराबरको परिवत्र्य विदेशी मुद्रा सम्म सटही सुविधा दिने व्यवस्था उपलब्ध गराएको छ । यस्तो सुविधा १ वर्षमा २ पटकमा  नबढ्ने गरी मात्र प्रदान गरिने केन्द्रिय बैंकले जनाएको छ ।

यसअघि यस्तो सुविधा अमेरिकी डलर १ हजार ५ सय बराबर मात्रै थियो ।

एकीकृत निर्देशन जारी भएको मितिभन्दा अगावै त्यस्तो सुविधा लिएकाले पनि चालु आवमा थप २ पटक त्यस्तो सुविधा प्राप्त गर्ने व्यवस्था गरिएको छ । त्यस्तै, श्रम स्वीकृति लिई वैदेशिक रोजगारीमा जाने नेपालीरुहलाई राहदानी वापत अधिकतम २०० अमेरिकी डलर बराबरको सटही सुविधा उपलब्ध गराउने प्रबन्ध गरिएको केन्द्रिय बैंकले जनाएको छ ।