कर्जाको जोखिम भार व्यवस्था पुनरावलोकन गरिने

काठमाडौं । नेपाल राष्ट्र बैंकले मौद्रिक नितिमार्फत शेयर धितो, सवारी साधन र घरजग्गासम्बन्धी कर्जामा रहेको विद्यमान जोखिम भारसम्बन्धी व्यवस्थाप पुनरावलोकन गर्ने जनाएको छ ।

केन्द्रीय बैंकले आर्थिक बर्ष २०८०/०८१ का लागि सार्वजनिक गरेको मौद्रिक नीति पुनरावालोकन गरिने बताएको छ ।

अहिले शेयर धितो कर्जामा उपलब्ध हुने २५ लाखसम्मको कर्जाको जोखिम भार १०० प्रतिशत र २५ लाख माथिको कर्जाको जोखिम भार १५० प्रतिशतसम्म राख्नुपर्ने व्यवस्था रहेको छ ।

यस व्यवस्थामा केही परिमार्जन हुने सकेत देखिएको छ ।

यसअघि सेयर धितो कर्जाको अधिकतम सीमा १२ करोड रुपैयाँ बराबर कायम गरिएको थियो । चालु आवको मौद्रिक नीतिले त्यसमा पुनरावलोकन गर्ने सकेत गरेको छ ।