सामुदायिक लघुवित्त र बिपिडब्लु लघुवित्तलाई बोर्डले दियो मर्जरका लागि पूर्वस्वीकृति

काठमाडौ । सामुदायिक लघुवित्त र बिपिडब्लु लघुवित्त वित्तीय संस्थाले मर्जरका लागि नेपाल धितोपत्र बोर्डबाट पूर्वस्वीकृति पाएका छन् ।

बोर्डले सामुदायिक र बिपिडब्लु लघुवित्तको मर्जरलाई धितोपत्र दर्ता गराएका संगठित संस्था आपसमा गाभ्ने, गाभिने र प्राप्ति सम्बन्धमा निर्देशिका, २०७९ बमोजिम पूर्वस्वीकृति दिएको हो ।

बोर्ड समक्ष यी दुवै लघुवित्तले संयुक्त निवेदन दिँदै मर्जरका लागि स्वीकृति माग गरेका थिए।

यी दुई लघुवित्तको मर्जर प्रक्रियालाई नेपाल राष्ट्र बैंकले जेठ ३ गते सैद्धान्तिक सहमति दिएको थियो।

गत फागुनमा यी दुई लघुवित्तले मर्जरमा जाने प्रारम्भिक सम्झौता गरेका थिए ।