बैंक तथा वित्तीय संस्थाहरुको निक्षेप ५५ खर्ब पुग्यो

काठमाडौं । नेपाल राष्ट्र बैंकको तथ्याङ अनुसार बैंक तथा वित्तीय संस्थाहरुको निक्षेप ५५ खर्ब पुगेको छ ।

उक्त तथ्यांङ अनुसार वाणिज्य बैंकहरुको निक्षेप ४८ खर्ब ५१ अर्ब रहेको छ । त्यस्तै, विकास बैंक तथा फाइनान्स कम्पनीको निक्षेप ६ खर्ब ४९ अर्ब रहेको छ । समग्र बैंक तथा वित्तीय संस्थाहरुको निक्षेप ५५ खर्ब पुगेको हो ।

राष्ट्र बैंकका अनुसार बैंक तथा वित्तीय संस्थाहरुको कुल कर्जा लगानी ४८ खर्ब ४६ अर्ब रहेको छ । जसमा वाणिज्य बैंकहरूको कर्जा लगानी ४२ खर्ब ९५ अर्ब र विकास बैंक तथा फाइन्नस कम्पनीको कर्जा ५ खर्ब ५२ अर्ब रहेको छ ।

बैंक तथा वित्तीय संस्थाको औसत सिडी रेसियो ८४.७४ प्रतिशत छ । अन्तर बैंक ब्याजदर भने ७ प्रतिशत कायम भएको छ ।