डिप्रोक्स लघुवित्तले आदर्श लघुवित्तलाई प्राप्ति गर्ने गर्यो अन्तिम सम्झौता

काठमाडौं – डिप्रोक्स लघुवित्तले आदर्श लघुवित्त वित्तीय संस्थालाई गाभ्नका लागि अन्तिम समझदारी पत्रमा हस्ताक्षर गरेको छ  ।  गत असोजमा  यी दुवै लघुवित्तबीच प्राप्तिसम्बन्धी प्रारम्भिक सम्झौता भएको थियो।

दुवै कम्पनीले चैत १३ गते सोमबार आयोजित एक कार्यक्रममा मर्जरमा जाने समझदारीपत्रमा हस्ताक्षर गरेका हुन् ।

डिप्रोक्स र आदर्श दुवै लघुवित्तबीच सेयर स्वाप रेसियो १ः१ अनुपात कायम हुनेगरी मर्ज हुने भएका हुन् ।

त्यस्तै, प्रारम्भिक समझदारीमा डिप्रोक्स लघुवित्तको तर्फबाट अध्यक्ष दिपक खनाल तथा आदर्श लघुवित्तको तर्पबाट अध्यक्ष सूर्य कुमारी श्रेष्ठले हस्ताक्षर गरेका हुन ।

मर्जरपश्चात् डिप्रोक्स लघुवित्तको नामबाट एकीकृत कारोबार हुनेछ । त्यस्तै मर्जर पछी भने लघुवित्तको प्रमुख कार्याकारी अधिकृतमा हाल डिप्रोक्स लघुवित्तका सीइओ शेष प्रसाद आचार्य नै बन्नेछन् ।