सांग्रिला विकास बैंकको लाभांशको घोषणा, बोनश र नगद कति ?

काठमाडौं । सांग्रिला विकास बैंकले गत आर्थिक बर्षको मुनाफाबाट आफ्ना शेयरधनीलाई ८.९८६ प्रतिशत लाभांश दिने भएको छ ।

कम्पनीको माघ २६ गते बसेको सञ्चालक समितिको ३०८ औं बैठकले आर्थिक वर्ष २०७८—७९ को संचित मुनाफाबाट आफ्ना शेयरधनीलाई संस्थाको हाल कायम चुक्ता पूँजी ३ अर्ब १ करोड ६ लाख ६९ हजार ६६२ रुपैयाँ बराबरको ८.९८६ प्रतिशतका दरले हुन आउने २७ करोड ४ लाख ४४ हजार २६८.११ रुपैयाँ बराबरको लाभाशको प्रस्ताव गरेको छ ।

प्रस्तावित कुल लाभांश मघ्ये ८.५३४ प्रतिशतका दरले हुन आउने २५ करोड ६९ लाख २२ हजार ५४.७१ रुपैयाँ बराबरको बोनश शेयर र ०.४४९ प्रतिशतका दरले हुन आउने १ करोड ३५ लाख २२ हजार २१३.४० रुपैयाँ बराबरको नगद लाभांश ( कर प्रयोजनको लागि ) वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंकबाट स्वीकृत भई बैंकको आगामी १८ औं साधारणसभाले पारित गरेपछी शेयरधनीले पाउनेछन् ।