काठमाडौं । चालु आर्थिक बर्ष २०८०/०८१ को पहिलो महिनामा संचालनमा आएका राष्ट्रिय स्तरका ८ वटा विकास बैंकहरुले ८४ करोड २१ लाख रुपैयाँ बराबरको नाफा आर्जन गरेका छन् ।
नेपाल राष्ट्र बैंकले सार्वजनिक गरेको तथ्यांक अनुसार यस अबधिमा राष्ट्रिय स्तरका विकास बैंकहरुमघ्ये सबैभन्दा बढी नाफा आर्जन गर्नेमा गरिमा विकास बैंक रहेको छ ।
गरिमा विकास बैंकले चालु आवको यस अबधिमा २४ करोड ९५ लाख रुपैयाँ खुद नाफा आर्जन गरेको छ । त्यस्तै यस अबधिमा खुद नाफा आर्जन गर्ने दोस्रो स्थानमा मुक्तिनाथ विकास बैक रहेको छ । मुक्तिनाथ विकास बैकले यस अवधिमा १६ करोड ८० लाख रुपैयाँ नाफा आर्जन गरेको छ ।
तेस्रोमा रहेको कामना विकास बैंकले ८ करोड १३ लाख रुपैयाँ नाफा आर्जन गरेको छ । लुम्विनी विकास बैंकले ७ करोड ९१ लाख रुपैयाँ, महालक्ष्मी विकास बैंकले ७ करोड ८५ लाख रुपैयाँ, साइन रेसुङ्गा विकास बैंकले ७ करोड १९ लाख रुपैयाँ नाफा आर्जन गरेको छ ।
त्यस्तै,ज्योति विकास बैंकले ५ करोड ७० लाख रुपैयाँ नाफा आर्जन गरेको छ भने सांग्रिला डेभलपमेन्ट बैंकले ५ करोड ६५ लाख रुपैयाँ नाफा आर्जन गर्न सफल भएको छ ।
