सांग्रिला डेभलपमेन्ट बैंक र फेवा डुङ्गा व्यवसायी संगठनबीच साझेदारी

काठमाडौं । सांग्रिला डेभलपमेन्ट बैंक र फेवा डुङ्गा व्यवसायी संगठन विचमा बैकिङ्ग कारोबार र लघुकर्जा सेवा प्रदान गर्ने सहमति भएको छ ।

सहमतिपछी फेवा डुङ्गा व्यवसायी संगठनमा आवद्व व्यवसायीहरुलाई बैंकको लेकसाइड शाखाबाट वित्तीय सेवाको साथै लघुकर्जाहरु प्रदान गरिने छ ।

उक्त सहमतिपत्रमा बैंकको तर्फबाट लघुकर्जा प्रमुख कर्ण बहादुर कार्की र संगठनको तर्फबाट अध्यक्ष बलराम गिरीले सयुक्त रुपमा हस्ताक्षर गरेका थिए।

उक्त हस्ताक्षर कार्यक्रममा बैंकको पोखरा क्लस्टर प्रमुख रेवन्त श्रेष्ठ , लेकसाईड शाखाका शाखा प्रमुख कृष्ण थापा र फेवा डुङ्गा व्यवसायी संगठनका बुद्विनाथ पाण्डेको उपस्थित रहेको थियो ।

सहमतिबाट फेवा डुङ्गा व्यवसायी संगठनको व्यवसायीहरुलाई वित्तीय सेवाको साथै लघुकर्जा सहज तरिकाबाट उपलब्ध हुने  क्लसटर प्रमुख  श्रेष्ठले जानकारी गराए ।