२०८० फागुन १०, बिहीबार
Health Aawaj logo
गृहपृष्ठअर्थतन्त्रश्री राम सुगर मिल्सले उखु किसानको रकम भुक्तान गर्ने

श्री राम सुगर मिल्सले उखु किसानको रकम भुक्तान गर्ने


काठमाडौं । श्रीराम सुगर मिल्सले हिजो शुक्रबारदेखि उखु किसानलाई भुक्तान गर्नुपर्ने रकम भुक्तान सुरु गरेको छ ।कम्पनीले जारी गरेको विज्ञप्तिमा उद्योगले भुक्तानी गर्न बाँकी रहेको बक्यौता रकम भुक्तानीका लागि उद्योगको बैंक खातामा रकम जम्मा भइसकेको जनाएको छ ।

 

भुक्तानीका लागि कारखाना स्थलमा सूचना टाँसेको भन्दै पुस ३ गते शुक्रबारदेखि भुक्तानी गर्ने कम्पनीले जनाएको हो । सुगर मिल्सले उखु किसानलाई ३५ करोड रुपैयाँ तिर्न बाँकी छ ।

 

“उद्योगले उखु किसानहरुबाट खरिद गरेको उखुको भुक्तानी गर्न बाँकी रहेको बक्यौता रकमका सम्बन्धमा पटक(पटक सम्बन्धित निकायहरुमा छलफल गरी समस्या समाधानका उपायहरु अवलम्बन गर्नेतर्फ उद्योग व्यवधानका कारण उद्योगको माग बमोजिम समस्या समाधान हुन नसकेको,” विज्ञप्तिमा जनाएको छ ।

 

उद्योगको स्थापनाकालदेखि नै उखु उत्पादक किसानहरुको अत्यधिक सहयोग र साथ पाउँदा-पाउँदै पनि विभिन्न परिस्थितिका कारण उद्योग अत्याधिक नोक्सानीमा गई परिस्थितिवश उखु किसानहरुलाई भुक्तानी गर्न विलम्ब भई पर्न गएको पीर मर्का तथा दुःखप्रति कम्पनी क्षमाप्रार्थी रहेको पनि विज्ञप्तिमा जनाएको छ ।


क्याटेगोरी : अर्थतन्त्र



तपाईको प्रतिक्रिया दिनुहोस


ट्रेण्डिङ