सिटीजन्स बैंकका ग्राहकले अब मोबाइलबाटै मोबाइल बैंकिङको पिन रिसेट गर्ने मिल्ने

काठमाडौं । सिटिजन्स बैंक इन्टरनेसनका गा्रहकले अब मोबाइल बैंकिङको पिन नम्बर बिर्से बैंकमा गएर निवेदन दिने झन्झटबाट मुक्त हुन बैंकले मोबाइलबाटै मोबाइल बैंकिङको पिन रिसेट गर्ने सुविधाको सुरुवात गरेको छ ।

हालको कारोना महामारीलाई लक्षित गरी बैंकले आफ्ना ग्राहकलाई सहज रुपमा आधारभूत बैंकिङ सेवा प्रदान गर्नै र डिजिटल माध्यमबाट कारोबार गर्न सहयोग पुर्‍याउने उद्देश्यसाथ यो सेवाको सुरुवात गरेको जनाएको छ ।

कोभिड १९ को त्रास अझै पनि कायमै रहेको अवस्थालाई मध्यनजर गर्दै ग्राहकलाई सकेसम्म बैंकमा नआईकनै बैंकिङ सुविधा प्राप्त गर्न सहज होस् भनी मोबाइल बैंकिङ, इन्टरनेट बैंकिङ, कार्डलगायत विद्युतीय भुक्तानीका माध्यमहरुमा पहिलो वर्षको शुल्क मिनाहा हुने व्यवस्थासमेत मिलाइएको जनाएको छ ।