सांग्रिला डेभलपमेन्ट बैंकको लाभांशको घोषणा, बोनस र नगद कति ?

काठमाडौं । सांग्रिला डेभलपमेन्ट बैंकले आर्थिक बर्ष २०७९/०८० का लागि लाभांशको घोषणा गरेको छ ।

बैंकको कत्तिक ३ गते बसेको सञ्चालक समितिको ३३० औं बैठकले आर्थिक वर्ष २०७९/८० को संचित मुनाफाबाट आफ्ना शेयरधनीलाई बैंकको हाल कायम चुक्ता पूँजी ३ अर्ब २६ करोड ७५ लाख ९१ हजार ७१६.७२ रुपैयाँ बराबरको कुल ५.२६३ प्रतिशतले हुन आउने १७ करोड १९ लाख ७८ हजार ५१२ रुपैयाँ बराबरको लाभांश वितरण गर्ने प्रस्ताव गरेको छ ।

प्रस्तावित कुल ५.२६३ प्रतिशत लाभांश मध्ये ५ प्रतिशतका दरले हुन आउने १६ करोड ३३ लाख ७९ हजार ५८६ रुपैयाँ बराबरको बोनश शेयर र ०.२६३ प्रतिशतका दरले हुन आउने ८५ लाख ९८ हजार ९२६ रुपैयाँ बराबरको नगद लाभांश ( कर प्रयोजनका लागि ) वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंकबाट स्वीकृत भई बैंकको आगामी १९ औं साधारणसभाले पारित गरेपछी शेयरधनीले पाउनेछन् ।