सानिमा बैंकको सेयर मूल्य समायोजन

काठमाडौं । नेपाल स्टक एक्सचेञ्ज (नेप्से) मा सानिमा बैंकको सेयर मूल्य समायोजन भएको छ ।

सानिमा बैंकको साधारण सभा तथा लाभांश वितरण प्रयोजनार्थ भोलि (असोज २२ गते) बुकक्लोज गर्ने भएसँगै नेप्सेले आज सानिमा बैंकको सेयर मूल्य समायोजन गरेको हो ।

नेप्सेमा सानिमा बैंकको ९ प्रतिशत बोनस सेयर मूल्य समायोजन भएको हो ।समायोजनपछि सानिमा बैंकको सेयर मूल्य २४७ रुपैयाँ ४३ पैसा कायम भएको छ । नेप्सेले अघिल्लो कारोबार दिनको अन्तिम मूल्यका आधारमा  बैंकको सेयर मूल्य समायोजन गरेको हो ।

अघिल्लो कारोबार दिन आज दोस्रो बजारमा सानिमा बैंकको सेयर प्रतिकित्ता २६९.७० रुपैयाँमा अन्तिम कारोबार भएको हो ।

सोमबार दोस्रो बजारमा बैंकको सेयर कारोबार खुल्दा यही समायोजित मूल्यलाई आधार मानेर खुल्नेछ ।