खराब कर्जा बढ्दा मिथिला लघुवित्तको नाफा घट्यो

काठमाडौ। आर्थिक वर्ष २०७९/०८०मा मिथिला लघुवित्तको खुद नाफा ४८.७३ प्रतिशतले घटेको छ ।

यस अवधिमा २ करोड ९५ लाख रुपैयाँमा सीमित भएको छ । अघिल्लो वर्षको यसैअवधिमा संस्थाले ५ करोड ७६ लाख रुपैयाँ खुद नाफा आर्जन गरेको थियो । यसअवधिमा मिथिला लघुवित्तको खुद ब्याज आम्दानी र सञ्चालन नाफा दुवै घटेको छ ।

खुद ब्याज आम्दानी २१.२५ प्रतिशतले घटेर ९ करोड ४४ लाख रुपैयाँमा सिमति हुन पुगेको छ । अघिल्लो आर्थिक बर्षमा यस्तो आम्दानी ११ करोड ९९ लाख रुपैयाँ रहेको थियो ।

त्यस्तै सञ्चालन नाफा ९७.५३ प्रतिशतले घटेर १८ लाख ९९ हजार रुपैयाँमा सीमित भएको छ । आर्थिक बर्ष २०७८/०७९ मा संस्थाको खराब कर्जा २.६१ प्रतिशत रहेकोमा समिक्षा अवधिमा बढेर ४.७८ प्रतिशत पुगेको छ ।

प्रतिसेयर आम्दानी १५.०८ रुपैयाँ र प्रतिसेयर नेटवर्थ १३३.३८ रुपैयाँ र मूल्य आम्दानी अनुपात ६९.२२ गुणा रहेको छ ।