उपर लोहरेखोला हाइड्रोपावरलाई आईपीओ जारी गर्ने अनुमति

काठमाडाैं । नेपाल धितोपत्र बोर्डबाट उपर लोहरेखोला हाइड्रोपावर कम्पनीले आईपीओ जारीको अनुमति पाएको छ ।

बोर्डले उपर लोहरेखोला हाइड्रोपावरलाई जेठ २३ गते साधारण सेयर निष्कासनको अनुमति दिएको हो ।

बोर्डबाट कम्पनीले २४ करोड ९८ लाख ४ हजार रुपैयाँ बराबरको २४ लाख ९८ हजार ४० कित्ता साधारण सेयर निष्कासन अनुमति पाएको हो ।

साधारण सेयर निष्कासनका लागि कम्पनीको धितोपत्र निष्कासन तथा बिक्री प्रबन्धकमा एन आईसी एशिया क्यापिटल रहेको छ ।

बोर्डले कम्पनीको चुक्तापुँजीको ४९ प्रतिशतले हुन आउने बराबरको साधारण सेयर जारी गर्न अनुमति दिएको हो ।

कम्पनीले आयोजना प्रभावित स्थानिय बासिन्दा र सर्वसाधारणको लागि आईपीओ जारी गर्नेछ । कम्पनीले अंकित मूल्य प्रतिकित्ता १०० रुपैयाँका दरले आईपीओ बिक्री गर्नेछन् ।