महालक्ष्मी विकास बैंकको संस्थापक शेयर विक्रीमा

काठमाडौं । महालक्ष्मी विकास बैंकले  २ लाख ४० हजार ६६५ कित्ता संस्थापक शेयर बिक्रि गर्ने भएको छ ।

बैंकका संस्थापक शेयरधनीहरुले आफ्ना नाम रहेको २ लाख ४० हजार ६६५ कित्ता संस्थापक शेयर बिक्रि गर्ने विभिन्न मितिमा निवेदन दिएकाले बैंकले संस्थापक शेयर विक्रिमा राखेको हो ।

बैंकले प्रचलित ऐन कानुुन तथा नेपाल राष्ट्र्र बैंकको निति निर्देशन बमोजिम यस शेयर खरिद गर्ने पहिलो हक संस्थापक शेयरधनी समुुह भएकाले इच्छुक विद्यमान संस्थापक शेयर धनीहरुले ३५ दिन भित्र उक्त शेयर खरिद गर्ने कम्पनीको केन्द्रीय कार्यालय दरवारमार्ग, काठमाडौंमा आइपुग्ने गरी निवेदन दिन आग्रह गरेको छ ।

सो समय अवधिमा संस्थापक शेयरधनीबाट शेयर खरीद गर्न निवेदन नआएमा प्रचलित कानून तथा नेपाल राष्ट्र बैंकको जारी नीति निर्देशन बमोजिम अन्य व्यक्ति, संस्थालाई उक्त संस्थापक शेयर विक्री गर्ने बैंकले जनाएको छ ।