सिभिल लघुवित्तको लाभांशको घोषणा ,बोनश र नगद कति ?

काठमाडौं । सिभिल लघुवित्त वित्तीय संस्थाले गत आर्थिक बर्षको मुनाफाबाट आफ्ना शेयरधनीलाई ११.५८ प्रतिशत लाभांश दिने भएको छ ।

कम्पनीको माघ १३ गते बसेको सञ्चालक समितिको २०२ औं बैठकले आर्थिक वर्ष २०७८—७९ को मुनाफाबाट आफ्ना शेयरधनीलाई संस्थाको हाल कायम चुक्ता पूँजी २८ करोड ८१ लाख २४ हजार ४४१.६० रुपैयाँ बराबरको ११.५८ प्रतिशत लाभाशको प्रस्ताव गरेको छ ।

प्रस्तावित कुल लाभांश मघ्ये ११ प्रतिशतका दरले हुन आउने ३ करोड १६ लाख ९३ हजार ६८८.५८ रुपैयाँ बराबरको बोनश शेयर र ०.५८ प्रतिशतका दरले हुन आउने १६ लाख ६८ हजार ८८.८७ रुपैयाँ बराबरको नगद लाभांश (बोनस सेयरको कर प्रयोजनको लागि ) वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंकबाट स्वीकृत भई लघुवित्त कम्पनीको आगामी साधारणसभाले पारित गरेपछी शेयरधनीले पाउनेछन् ।