स्वाभिमान लघुवित्तले गर्यो लाभांशको घोषणा

काठमाडौं — स्वाभिमान लघुवित्त वित्तीय संस्थाले आफ्ना शेयरधनीलाई २१.०५२६ प्रतिशत लाभांश दिने भएको छ ।

स्वाभिमान लघुवित्तले आर्थिक बर्ष २०७८—०७९को मुनाफाबाट आफ्ना शेयरधनीलाई २१.०५२६ प्रतिशत लाभांश दिने भएको हो।

कम्पनीको माघ ११ गते बसेको सञ्चालक समितिको ७३ औं बैठकले हाल कायम चुक्ता पूँजी १२ करोड १७ लाख ८२ हजार १५० रुपैयाँ बराबरको २१.०५२६ प्रतिशतका दरले हुन आउने २ करोड ५६ लाख ३८ हजार ३४७.३७ रुपैयाँ बराबरको लाभांश वितरण गर्ने प्रस्ताव गरेको छ ।

प्रस्तावित २१.०५ प्रतिशत लाभांश मध्ये २० प्रतिशतका दरले हुन आउने २ करोड ४३ लाख ५६ हजार ४३० रुपैयाँ बराबरको बोनश शेयर र १.०५२६ प्रतिशतका दरले हुन आउने १२ लाख ८१ हजार ९१७.३७ रुपैयाँ बराबरको नगद लाभांश (कर प्रयोजनार्थ) वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंकबाट स्वीकृत भई लघुवित्त कम्पनीको आगामी साधारणसभाले पारित गरेपछी शेयरधनीले पाउनेछन् ।