दसैं अघिको अन्तिम दिन सेयर बजार सुधार परिसूचक १६०० भन्दा माथि

काठमाडौं । दसैँअगाडिको साताको अन्तिम कारोबार दिन पनि सेयर बजार बढेर बन्द भएको छ ।आज नेप्से ८.५४ अंकले बढेर १६०६.२६ अंकमा पुगेको छ ।

बैंकिङ समूहको सूचकले बजारलाई लिड गरेकाले बजारलाई लिड गर्ने बैंकिङ समूहको सूचक नै ०.९५ प्रतिशतले वृद्धि हुँदा नेप्सेमा पनि बढेको हो ।

यता दसैँपछि पैसा तिरे हुने भएपछि नेप्सेमा खरिद चाप बढेकाले कारोबार रकम पनि बढेर करिब दुई खर्ब पुगेको छ । आज नेप्सेमा ३० हजार ३२८ वटा कारोबारमा १८७ कम्पनीको ६४ लाख ५७ हजार ८३३ कित्ता सेयर किनबेच हुँदा एक अर्ब ९९ करोड ४५ लाख ४४ हजार रुपैयाँको कारोबार भएको छ ।

अपेक्षाभन्दा बढी १४ प्रतिशत लाभांश घोषणा गरेको बैंकको १४ करोड १५ लाख ४५ हजारको सेयर कारोबार भएको छ भने एनआईसी एशिया बैंक, अपी पावर, प्राइम कमर्सियल बैंक र नेपाल बैंक कारोबार रकमका आधारमा अगाडि देखिएका छन् ।