पेट्रोलियम पदार्थको मूल्य वृद्धि फिर्ता

सरकारले पेट्रोलियम पदार्थको मूल्य वृद्धि फिर्ता लिएको छ ।

आज बसेको मन्त्रिपरिषद्‍को बैठकमा प्रधानमन्त्री पुष्पकमल दाहाल प्रचण्डले  पुरानो मुल्यसुची कायम गर्न निर्देशन दिएका हुन्।

सञ्चार तथा सूचना प्रविधिमन्त्री रेखा शर्माले बढेको मूल्य रोकेर साविककै मूल्य कायम गर्न आयल निगमलाई निर्देशन दिएको बताएकी छन्।

 शनिबार  मध्यरातिदेखि लागु हुने गरी नेपाल आयल निगमले पेट्रोलमा प्रतिलिटर २, डिजेल र मट्टितेलमा प्रतिलिटर ६ र खाना पकाउने ग्याँसमा प्रतिसिलिण्डर २१५ रुपैयाँ बढाउने निर्णय गरेको थियाे । अब उक्त बढेको मूल्य फिर्ता भएको छ।