आत्मदाहको प्रयास गरेका आचार्य स्वास्थ्य अवस्था बुझ्न स्वास्थ्यमन्त्री डा.तोषिमा कार्की अस्पतालमा

काठमाडौं- आत्मदाहको प्रयास गरेका प्रेम आचार्यको स्वास्थ्य अवस्था बुझ्न स्वास्थ्यमन्त्री डा. तोषिमा कार्की अस्पताल पुगेकी छन् ।

कीर्तिपुर अस्पतालमा उपचार गराइरहेका आचार्यको स्वास्थ्य अवस्था बारे बुझ्न उनी उपचाररत कीर्तिपुर अस्पताल पुगेकी हुन् । अस्पतालमा उपचाररत आचार्यको ८० प्रतिशत भाग जलेकोले उनको अवस्था चिन्ताजनक रहेको चिकित्सकले स्वास्थ्यमन्त्रीलाई जानकारी गराएका छन् ।

अस्पताल पुगेकी कार्कीले उनको उपचारमा कुनै कसुर नराख्न भनेकी छन् । ‘जे सकिन्छ बचाउन प्रयास गर्नुहोस्, आवश्यक सहयोग गर्नुहोस,’ राज्यमन्त्री कार्कीले चिकित्सकहरुलाई निर्देशन दिदैं भनिन् ।

होसमा रहेका उनी मान्छे पनि चिन्छन्। आत्मदाहको प्रयास गर्ने आचार्यले अस्पतालको आईसीयु स्वास्थ्य राज्य मन्त्रीलाई भने, ‘रवि र प्रचण्डलाई पनि भेट्न पठाइदिनुस् ।’