मुख्य सचिवमा शंकरदास वैरागी नियुक्त, युवराज खतिवडा अमेरिकी  राजदूत सिफरिस

काठमाडौं । बिहिबार बसेको मन्त्रिपरिषद् बैठकले लोकदर्शन रेग्मीको राजीनामा स्वीकृत गर्दै परराष्ट्र मन्त्रालयका सचिव शंकरदास वैरागीलाई मुख्य सचिव नियुक्त गरेको छ ।

निवर्तमान मुख्य सचिव लोकदर्शन रेग्मीको कार्यकाल कात्तिक ३ गते सकिँदै थियो । मन्त्रिपरिषद् बैठकले मुख्य सचिव रहेका रेग्मीलाई सरकारले बेलायतको राजदूत सिफारिस गरेको छ ।

त्यसैगरी मन्त्रीपरिषद्ले युवराज खतिवडा अमेरिकाका लागि राजदूत सिफारिस भएको एक मन्त्रीले जानकारी दिए । यसअघि अर्थमन्त्रीको जिम्मेवारीमा रहेका खतिवडा प्रधानमन्त्री केपी शर्मा ओलीका विशेष आर्थिक सल्लाहकार नियुक्त भएका थिए ।