छात्रवृत्तिको विवरण पेस नगर्ने विद्यालयको अनुमति रद्द गर्ने काठमाडौं महानगरपालिकाको चेतावनी

काठमाडौं । काठमाडौं महानगरपालिकाले छात्रवृत्तिको वितरणको विवरण पेस नगर्ने ३४२ वटा विद्यालयको अनुमति रद्द गर्ने चेतावनी दिएको छ ।

महानगरले आज एक सूचना प्रकाशन गर्दै आगामी जेठ २८ गतेभित्र नियम अनुसार छात्रवृत्तिको विवरण पेस नगरेमा प्रचलित कानुन बमोजिम कारबाही गर्ने चेतावनी दिएको छ ।
।
महानगरले आगामी जेठ २८ गतेभित्र  नियम अनुसार छात्रवृत्ति वितरण गरी  वितरणको विवरण पेस नगरेमा काठमाडाैं  महानगरपालिका शिक्षा ऐन, २०७५ को दफा ५६ को उपदफा ४ बमोजिम विद्यालयलाई प्रदान गरिएको अनुमति वा स्वीकृति रद्द वा यस ऐन वा अन्य प्रचलित कानून बमोजिम कारबाही गर्ने जानकारी गराएको छ ।