एमडीएमएस प्रणाली कार्यान्वयन नगर्न प्रधानमन्त्रीको निर्देशन

काठमाडौ । प्रधानमन्त्री पुष्पकमल दाहाल ‘प्रचण्ड’ले मोबाइल म्यानेजमेन्ट सिस्टम (एमडीएमएस) तत्काल लागू नगर्न निर्देशन दिएका छन्र ।  प्रधानमन्त्री दाहालले तत्काल एमडीएमएस प्रणाली लागु नगर्ने अर्थमन्त्रीलाई निर्देशन दिएका छन् ।

विदेशबाट फर्कंका नेपालीलाई मोबाइलफोन ल्याउन गरिएको कडाई कार्यान्वयन नगर्न र पुरानै चलिरहेको प्रक्रियामा रहनदिन निर्देशन भएको प्रधानमन्त्रीका प्रेस संयोजक सूर्यकिरण शर्माले जानकारी दिए ।

भन्सार छली, मोबाइल सेटको गैरकानूनी आयात नियन्त्रण गर्न भन्दै नेपाल दूरसञ्चार प्राधिकरणले आजदेखि एमडिएमएस कार्यान्वयन गर्ने भएको थियो । एमडिएमएस सिष्टम लागू भएपछि विदेशबाट फर्किदा ल्याइएका १ भन्दा बढी मोबाइल फोनको १८ प्रतिशतसम्म भन्सार लाग्ने र तेस्रो मोबाइल ल्याएमा भन्सार विभागले जफत गरिनेछ ।