काठमाडौं । आदर्श लघुवित्तको आईपीओ बाँडफाँड आज विहान भएको छ।
यस कम्पनीको आईपीओमा १६ लाख ७४ हजार ६५२ जनाले आवेदन दिएका थिए । जस मध्ये १ हजार ८५८ जनाको आवेदन रद्द भएको बीओके क्यापिटल मार्केट लिमिटेडले जनाएको छ।
गोलाप्रथामार्फत् कुल ६ हजार २६१ जना सर्वसाधारण लगानीकर्ताहरूले मात्र सेयर पाएका छन्। जसमध्ये ५ जनाले ११ कित्ता र बाँकीले १० कित्ताका दरले सेयर पाएका छन्।
आदर्शले असार १ गतेदेखि ५ गतेसम्म ६७ लाख रुपैयाँ बराबरको ६७ हजार कित्ता आईपीओ जारी गरेको थियो।
