नेप्से परिसुचक घट्ने क्रम जारी आज बजार राताम्ये

काठमाडौं । नेप्से परिसुचक घट्ने क्रम तिरन्तर जारी छ । बिहीबार नेप्से परिसुचक ४५.२५ अंकले घटेर १८४४८.२८ को विन्दुमा बन्द भएको छ ।
परिसुचक घटेपनि बुधबारको तुलनामा कारोबार रकम भने बढेको छ । बुधबार ८४ करोडको कारोबार भएको सेयर बजारमा आजको दिनमा २३७ कम्पनीका ५० लाख ८ हजार ७ सय ७१ कित्ता सेयर १ अर्ब ४९ करोड ९७ लाख ९ हजार रुपैयाँमा कारोबार भयो ।

आज सबै समूहगत उपसूचक राताम्ये भए । हाइड्रोपावर समूह सर्वाधिक ४.११ प्रतिशत र विकास बैंक समुह ३.७९ प्रतिशत घटेको छ ।
आजको दिनमा सबैभन्दा बढी कुमारी बैंकको ९ करोड ५३ लाख रुपैयाँ बराबरको सेयर किनबेच भएको छ । त्यस्तै, दोश्रोमा लक्ष्मी बैंकको ६ करोड ३६ लाख रुपैयाँ बराबर र तेश्रोमा नबिल बैंकको ५ करोड ५३ लाख रुपैयाँ बराबरको सेयर किनबेच भएको छ ।

यस्तै शिवश्री हाइड्रो र लिबर्टी इनर्जीको सेयर मूल्य करिब १० प्रतिशतले घटेका छन् ।

.आज बजारमा २ सहित १७८ कम्पनीको सेयर मूल्य घटेका छन् भने १५ कम्पनीको वृद्धि भएको छ । बजार घटेको दिन बजार पुँजीकरण २६ खर्ब ३५ अर्ब १७ करोड कायम भएको छ ।