साताको पहिलो दिन नेप्से १४ अंकले बढ्यो

काठमाडौं। साताको पहिलो दिन हिजो आइतबार सेयर बजारमा दोहोरो अंकको सुधार आएको छ। पहिलो कारोबार दिन नै नेप्से परिसूचक १४.७१ अंकले बढेको हो।

कारोबार खुल्दाको सुरुआती समयमा ओरालो लागे पनि अन्तिममा सुधार आउँदै हिजो नेप्से परिसूचक १ हजार ५८५ अंकमा पुगेर रोकिएको छ । १ करोड १ लाख कित्ता सेयर खरिदबिक्री भइ ३ अर्ब रुपैयाँभन्दा बढीको कारोबार भएको छ।

सेयर बजारमा उत्साहजनक सुधार आए पनि जलविद्युत र म्युचुअल फण्ड समूह ओरालो लागेका छन्। जलविद्युत समूह १५.२६ अंक र म्युचुअल फण्ड समूह ०.३५ अंकले घटेको छ। अन्य १० समूहमा भने सुधार देखिएको छ।