जनरल इन्स्योन्सको साधारण शेयरमा रेकर्ड ब्रेक

काठमाडौं । जनरल इन्स्योरेन्सको साधारण सेयरमा ८ लाख १६ हजार जनाको आवेदन परेसँगै आइपीओमा रेकर्ड ब्रेक आवेदन परेको छ ।

निष्कासन तथा बिक्री प्रवन्धक एनआईबिएल एस क्यापिटलका अनुसार तथ्यांक संकलनको कार्य जारी रहेको हुँदा यो संख्या बढ्न सक्छ ।

जनरल इन्स्योरेन्सले ३० लाख कित्ता आइपीओ बिक्री खुल्ला गरेपनि सर्वसाधारणले पाउने २७ लाख कित्ता मात्र हो । यस आधारले २ लाख ७० हजार आवेदकले १० कित्ताको दरले सेयर बाँडफाँडबाट पाउने छन् भने अरुको हात खाली हुने छ ।

आइपीओ बाँडफाँड आगामी साता हुने छ । बैंकहरुले कति छिटो प्रमाणित गरेर आवेदकको सूचि पठाउन सक्छन् त्यो आधारमा बाँडफाँड छिटोढिलो हुन्छ । पछिल्लो समय कोभिडका संक्रमित बैंकमा पनि बढेको हुँदा यो पटक केही ढिलो हुने अनुमान गर्न सकिन्छ ।