जनरल इन्स्योरेन्सको आईपीओ मेरो शेयर एपबाट भर्न नमिल्ने

काठमाडौं । मेरो शेयर एपबाट जनरल इन्स्योरेन्सले असोज ११ गतेबाट निष्काशन गर्ने सर्वसाधारण शेयर (आइपिओ) भर्न नमिल्ने भएको छ ।

सिडिएस एण्ड क्लियरिङ्ग लिमिटेड (सिडिएससी)ले शेयर कारोबार गर्नका लागि थप सहज बनाउने उद्देश्यले भदाै ३१ गतेबाट मेरो शेयर एप सञ्चालनमा ल्याएको हाे । मेरो शेयर एप सञ्चालनमा आइसकेको भएतापनि आइतबारबाट निष्कासन हुन लागेको जनरल इन्स्योरेन्स कम्पनी लिमिटेडको साधारण शेयर (आइपिओ) भने मेरो शेयर एपबाट भर्न नमिल्ने भएको छ ।

सिडिएससीले दिएको जानकारी अनुसार हाल मेरो शेयर एप बेटा भर्जन मै भएको हुनाले यो एपको फुल भर्जन आएपछि मात्र यस एपबाट साधारण शेयर (IPO) भर्न मिल्नेछ । यसका साथसाथै हाल मेरो शेयर एपमा आस्वा (ASBA) सुविधा पनि छैन । हाल लगानीकर्ताहरूले वेभसाइटबाटै साधारण शेयर (IPO) भर्नुपर्ने छ ।