स्वावलम्बन लघुवित्तको संस्थापक सेयर बिक्रीमा

काठमाडौं- स्वावलम्बन लघुवित्त वित्तीय संस्थाले आज माघ १० गतेदेखि संस्थापक सेयर बिक्रीमा ल्याएको छ ।

स्वावलम्बनले नबिल बैंकको स्वामित्वमा रहेको १ लाख ५९ हजार कित्ता संस्थापक सेयर बिक्रीमा ल्याएको हो ।

सेयर खरिद गर्न इच्छुक विद्यमान अन्य संस्थापक र अन्य जो कोहीले काठमाडौंको नारायणचौर,नक्साल स्थित कम्पनीको बिक्रि प्रबन्धक नबिल इन्भेन्टमेन्ट बैंकिङमा आफूले खरिद गर्ने चाहेको सेयर कित्ता संख्या तथा प्रतिकित्ता सेयरको मूल्य खुलाई शिलबन्दी निवेदन पेस गर्नुपर्नेछ ।

स्वावलम्बन लघुवित्तले प्रतिकित्ता सेयरको न्यूनतम भाउ ५५५ रुपैयाँ तोकको छ भने ५५५ रुपैयाँलाई आधार मानेर सो भन्दा बढी मूल्य कबोल गरी आवेदन पेश गर्न सकिनेछ ।

आवेदनकर्ताले सेयर खरिद गर्नका लागि माघ २४ गतेसम्ममा आवेदन दिन सक्नेछन् । न्यूनतम १ हजार कित्तादेखि अधिकतम सबै कित्ताका लागि आवेदन दिन सकिनेछ ।