स्वावलम्बन लघुवित्तको लाभांशको घोषणा

काठमाडौं — स्वावलम्बन लघुवित्त वित्तीय संस्थाले गत आर्थिक बर्षको मुनाफाबाट आफ्ना शेयरधनीलाई २१.०५ प्रतिशत लाभांश दिने भएको छ ।

कम्पनीको पुस २७ गते बसेको सञ्चालक समितिको ४०३ औं बैठकले आर्थिक वर्ष २०७८/७९ को मुनाफाबाट आफ्ना शेयरधनीलाई संस्थाको हाल कायम चुक्ता पूँजी १ अर्ब १२ करोड २१ लाख ७०  हजार रुपैयाँ बराबरको कुल २१.०५ प्रतिशतले हुन आउने २३ करोड ६२ लाख ४६ हजार ३१६ रुपैयाँ बराबरको लाभांश वितरण गर्ने प्रस्ताव गरेको छ ।

प्रस्तावित कुल २१.०५ प्रतिशत लाभांश मध्ये १५ प्रतिशतका दरले हुन आउने १६ करोड ८३ लाख २५ हजार ५०० रुपैयाँ बराबरको बोनश शेयर र ६.५ प्रतिशतका दरले हुन आउने ६ करोड ७९ लाख २० हजार ८१६ रुपैयाँ बराबरको नगद लाभांश (बोनश शेयर तथा नगद लाभांश शेयरमा लाग्ने कर समेत गरी ) वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंकबाट स्वीकृत भई लघुवित्त कम्पनीको आगामी साधारणसभाले पारित गरेपछी शेयरधनीले पाउनेछन् ।