दोहोरो अंकले उक्कालो लाग्यो सेयर बजार

काठमाडौं । लगातार दोस्रो दिन पनि सेयर बजार परिस्ृचक नेप्से दोहोरो अंकको सुधार आउनुको साथै कारोबार रकममा पनि वृद्धि भएको छ ।

नेप्से मापन गर्ने सूचक १२.४७ अंकले बढेर १५८२.८४ बिन्दुमा रोकिएको छ ।हिजो ४९ लाख १३ कित्ता सेयर १ अर्ब २४ करोड रुपैयाँको सेयर कारोबार भएको छ ।

कारोबारमा सबै समूहको उपसूचकमा सुधार आएको छ । बैंकिङ, होटल, विकास बैंक, जलविद्युत कम्पनी, निर्जीबन बीमा, माइक्रोफाइनान्स, जीवन बीमा सहित समै समूहको उपसूचकमा सुधार आएको छ ।