शिवम् सिमेन्टको पाँचो वार्षिक साधारणसभाको मिति तय

काठमाण्डौ । शिवम् सिमेन्ट्स लिमिटेले लाभांश पारितको मुख्य अजेन्डासहित आफ्नो पाँचौँ वार्षिक साधारणसभाको मिति तय गरेको छ ।
सञ्चालक समितिको गत असोज २८ गते बसेको बैठकले वार्षिक साधारणसभा आउँदो कात्तिक २४ गते कम्पनीको कर्पोरेट कार्यालय काठमाण्डौको अनामनगरमा गर्ने निणर्य गरेको हो। सभा हालको कोरोना संक्रमणलाई ध्यानमा राखेर भर्चुअल जुम मिटिङमार्फत गरिने कम्पनीले जनाएको छ।

सभाले आफ्ना सेयरधनीहरुलाई गत आर्थिक वर्ष २०७६र७७ का लागि प्रतावित नगद लाभांश पारित गर्नेछ।

गत आर्थिक वर्षको मुनाफाबाट सेयरधनीहरुलाई प्रतिसेयर २४.२१ प्रतिशतका दरले हुन आउने कुल १ अर्ब ६ करोड ५२ लाख ४० हजार रुपैयाँ नगद लाभांशका रुपमा वितरण गर्ने कम्पनीले निणर्य गरेको छ।

कात्तिक १३ गते कम्पनीले वार्षिक साधारणसभा प्रयोजनाका लागि बुक क्लोज गर्ने निणर्य गरेको छ भने कात्तिक १२ गतेसम्म कायम सेयरधनीहरुमात्र सभामा भाग लिन र लाभांश प्राप्तिका लागि योग्य हुनेछन्।