राष्ट्र बैंकले करिब १९ अर्बको ट्रेजरी बिलको नविकरण गर्दै,आज दिउँसो बोलकबोल

काठमाडौं – नेपाल राष्ट्र बैंकले १८ अर्ब ७१ करोड २५ लाख रुपैयाँको ट्रेजरी बिलको नविकरण गर्ने भएको छ ।

राष्ट्र बैंकले २८ दिन र ९१ दिन र १८२ दिनको लागि ट्रेजरी बिलको नविकरण गर्न लागेको हो ।मंगलबार जारी हुने यस ट्रेजरी बिलका लागि आज दिउँसो ३ बजे बोलकबोल हुनेछ ।

केन्द्रीय बैंकले २८ दिनको लागि ८ अर्ब रुपैयाँ र ९१ दिनको लागि १० अर्ब ११ करोड २५ लाख रुपैयाँ र १८२ दिनको ६० करोड रुपैयाँको टे्रजरीको नविकरण गर्न लागेको हो ।

२८ दिनको ट्रेजरी आउदो कात्तिक ७ गते ,९१ दिनको ट्रेजरी पुस १० गते र १८२ दिनको चैत १३ परिपक्व हुनेछ ।

ट्रेजरी बिल १ वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो । सरकारलाई आवश्यक पर्ने अल्पकालीन अवधिको (बढीमा एक वर्ष) स्रोत जुटाउन यो बिल बिक्री गरिन्छ ।