२०८१ जेठ १०, बिहीबार
Health Aawaj logo
गृहपृष्ठअर्थतन्त्रचालु आर्थिक बर्षको पहिलो महिना शोधनान्तर स्थिति ५१ अर्ब ४६ करोडले बचतमा

चालु आर्थिक बर्षको पहिलो महिना शोधनान्तर स्थिति ५१ अर्ब ४६ करोडले बचतमा


काठमाडौं । नेपाल राष्ट्र बैंकका अनुसार चालु आर्थिक बर्षको पहिलो महिना साउन मसान्तसम्ममा शोधनान्तर स्थिति ५१ अर्ब ४६ करोड रुपैयाँले बचतमा रहेको छ ।

गत वर्षको आर्थिक बर्ष २०७६/२०७७ सोही अवधिमा शोधनान्तर स्थिति ६ अर्ब ५ करोडले बचतमा रहेको थियो । अमेरिकी डलरमा शोधनान्तर स्थिति अघिल्लो वर्षको पहिलो महिनामा ५ करोड ४२ लाखले बचतमा रहेको थियो ।

समीक्षा अवधिमा ४२ करोड ९४ लाखले बचतमा रहेको छ । त्यसतै अन्तर्राष्ट्रिय मुद्राकोषको शोधनान्तर स्थिति तर्जुमा कार्यविधिको पाँचौ संस्करण अनुसार हालसम्म प्रकाशन हुँदै आएको नेपालको शोधनान्तर स्थिति आर्थिक वर्ष २०७७/७८ को पहिलो महिनादेखि मुद्राकोषको छैंटौ संस्करण अनुसार समेत प्रकाशनमा ल्याइएको राष्ट्र बैंकले जनाएको छ ।

राष्ट्र बैंकका अनुसार यो अवधिमा चालु खात २५ अर्ब ४१ करोडले बचतमा रहेको छ । गत वर्षको सोही अवधिमा चालु खाता ९ अर्ब ३४ करोडले घाटामा रहेको थियो । अमेरिकी डलरमा अघिल्लो वर्षको पहिलो महिनामा ८ करोड ३८ लाखले घाटामा रहेको चालु खाता समीक्षा अवधिमा २१ करोड २१ लाखले बचतमा रहेको छ ।

समीक्षा अवधिमा पुँजीगत ट्रान्सफर ६.७ प्रतिशतले बढेर १ अर्ब १० करोड रपैयाँ पुगेको छ । प्रत्यक्ष वैदेशिक लगानी ३.३ प्रतिशतले घटेर १ अर्ब ३९ करोड रुपैयाँ कायम भएको छ । गत वर्षको सोही अवधिमा पुँजीगत ट्रान्सफर १ अर्ब ३ करोड रुपैयाँ र प्रत्यक्ष वैदेशिक लगानी १ अर्ब ४४ करोड रुपैयाँ रहेको थियो ।


क्याटेगोरी : अर्थतन्त्र



तपाईको प्रतिक्रिया दिनुहोस


ट्रेण्डिङ