सिभिल बैंकलाई नेप्सेले सोध्यो स्पष्टिकरण

काठमाडौं । नेपाल स्टक एक्सचेञ्ज (नेप्से)ले हिमालयन बैंक मर्जर तथा प्राप्तिसम्बन्धी सूचना चुहाएको भन्दै सूचीकृत कम्पनी सिभिल बैंकलाई स्पष्टिकरण सोधेको छ ।

विभिन्न सञ्चार माध्यममा बैंकले हिमालयन बैंकलाई प्राप्ति गर्न भन्दै अनुरोध गरेको व्यहोराको पत्र पठाएको समाचार आएको भन्दै बैंकलाई स्पष्टिकरण सोधेको नेप्सेले जनाएको छ ।

“धितोपत्र विनियमावली २०७५ को विनियम २२ को च बमोजिम ‘सूचीकृत धितोपत्रको बजार मूल्यमा असर पार्न सक्ने कुनै घटना वा कारोबार भएमा त्यस्तो विषयको सूचना तुरुन्त दिनुपर्ने’ व्यवस्था रहेकोले उक्त विषयको सूचना नेप्सेलाई नभएको” नेप्सेले  सोध्योकाे स्पष्टिकरणमा उल्लेख छ ।

नेप्सेले बैंकलाई भनाइ के हो त्यसको जानकारी असोज ५ गते बिहान बजार खुल्नुअघि नेप्सेलाई पठाउनुपर्ने जनाइएको छ ।