आर्थिक बर्ष सकिएको २१ दिन भित्र वित्तीय विवरण पेश राष्ट्र बैंकको निर्देशन

काठमाडौं । नेपाल राष्ट्र बैंकले बैंक तथा वित्तीय संस्थाहरुलाई आर्थिक बर्ष सकिएको २१ दिन भित्र वित्तीय विवरण पेश गर्ने निर्देशन दिएको छ ।
राष्ट्र बैंकले साउन ५ गते एक परिपत्र जारी गदै नेपाल राष्ट्र बैंकबाट इजाज्जत प्राप्त “क” “ख” “ग” वर्गका बैंक तथा वित्तीय संस्थाहरुलाई एकीकृत निर्देशन, २०७८मा संशोधन गर्दै चौथो त्रैमास समाप्त भएको २१ दिन भित्रमा एकीकृति वित्तीय प्रतिवेदन लगायत प्रमुख वित्तीय परिसूचकको अन्तरिम वित्तीय प्रतिवेदन पेश गर्नुका साथै राष्ट्रियस्तरका दैनिक पत्रिकामा अनिवार्य सार्वजनिक गर्न निर्देशन दिएको हो ।

राष्ट्र बैकको यो निर्देशनसँगै अब बैंक तथा वित्तीय संस्थाहरुले गत आर्थिक बर्षको वितीय विवरण सार्वजनिक गर्ने १३ दिन मात्र बाकी रहेको छ ।

उक्त परिपत्रमा बैंक तथा वित्तीय संस्थाहरुले २१ दिन भित्र अन्तरिम वित्तीय प्रतिवेदनको विस्तृत विवरण राष्ट्र बैंकले तोकिदिएको ढाँचामा आफ्नो वेबसाइटमा राख्नु पर्नेछ । यसरी विस्तृत अन्तरिम वित्तीय प्रतिवेदन वेबसाइटमा राखिएको व्यहोरा पत्रिकामा प्रकाशन गरिने प्रतिवेदनमा समेत उल्लेख गर्नु पर्नेछ ।

यसअघि राष्ट्र बैंकले बैंक तथा वित्तीय संस्थाहरुका लागि चौथो त्रैमास सकिपछि साउन मसान्त भित्र वित्तीय विवरण सार्वजनिक गर्न पाउने व्यवस्था गरेको थियो ।