भारतले प्याज निकासीमा रोक,दसैंमा प्याजको चरम अभाव हुन सक्ने

काठमाडौँ। एक महिना नपुग्दै प्याजको भाउ तीन गुणाले बढेपछी भारतले प्याज निकासी रोकेको छ । भारी वर्षाका कारण दक्षिणी राज्यमा अधिक बाली प्रभावित भएपछि भारतमा प्याजको भाउ बढको हो ।

भारतले आन्तरिक माग धान्न सोमबारबाट प्याज   निकासी बन्द गरेको हो ।संसारमा भारतले सबैभन्दा बढी प्याज निर्यात गर्र्ने गर्दछ । नेपालसहित बंगलादेश, मलेसिया, श्रीलंकालगायत देश भारतीय प्याजमा निर्भर रहेका छन् ।

थोक प्याजको हब भनेर चिनिने महाराष्ट्रको दक्षिणी सहर लासलगाउँमा प्याजको थोक मूल्य टनको ३० हजार भारु पुगेको टाइम्स अफ इन्डियाले जनाएको छ ।
बर्षाको प्रभावसंगै दक्षिणी प्रान्तहरु कर्नाटका, आन्ध्र प्रदेशमा प्याजको असर परेको छ । यस्तै अन्य प्रदेशमा फसल ढिलो भएको छ ।